Acto Vigo

Martes, 21 Maio 2013 14:14

Mañá mércores día 22 de maio as 17 horas a Plataforma para a Defensa da Sanidade de Vigo convoca un acto informativo nos terreos fronte ao Novo Hospital de Vigo, como inicio dunha campaña de mobilización cidadá e profesional por un Hospital Único sen recortes nin privatizacións para Vigo, que culminara no  dia 27 de Xuño.

Con esta campaña preténdese informar á cidadanía da necesidade e urxencia  do Novo Hospital  paralizado por falta de financiamento privado. A pesar dos serios recortes introducidos no proxecto para facelo atractivo economicamente as empresas adxudicatarias

Ao acto asistirán, ademais de representantes da Plataforma de Vigo,  deputados dos tres grupos parlamentarios galegos da oposición: Abel Losada e Carmen Acuña polo PSdeG-PSOE; Xose Manuel Beiras e Yolanda Diaz por AGE e Xavier Vence, Monserrat Prado e Carmen Adan polo BNG.

Publicado o Decreto da Mentira de Feijóo

Venres, 05 Abril 2013 13:12

COA PUBLICACIÓN DO DECRETO DE XESTIÓN INTEGRADA DE LUGO CONSÚMASE A TRAIZÓN DO SERGAS E DO PRESIDENTE DA XUNTA Á COMARCA QUE DEIXARÁ DE CONTAR COM CAPACIDADE PARA XESTIONAR RECURSOS ECONÓMICOS, HUMANOS, INFRAESTRUTURAS E PRESTACIÓNS SANITARIAS DA ÁREA SANITARIA MARIÑÁ QUE PASARÁN A DIRIXIRSE DENDE LUGO.

A PLATAFORMA DARÁ CURSO MEDIANTE REXISTRO NO PORTELO ÚNICO EN BURELA DOS MILLEIROS DE SINATURAS DE MARIÑAOS E MARIÑÁS PROMOVIDA POR PERSOAL DO HOSPITAL DA COSTA QUE PIDEN UNHA ÁREA DE XESTIÓN INTEGRADA PROPIA PARA A COMARCA

ANUNCIAN VARIAS INICIATIVAS ENTRE ELAS A PRESENZA NOS PLENOS ONDE SE DEBATAN INICIATIVAS SOBRE O ASUNTO

A Mariña, 5 de marzo de 2013. A Plataforma na Defensa da Sanidade Pública da Mariña integrada en SOS Sanidade Pública que agrupa na comarca a organizacións de doentes, veciñais, culturais, organizacións políticas e sindicais saíu hoxe ao paso da publicación no DOG do Decreto de Xestión Integrada de Lugo que consuma a traizón dos compromisos adquiridos polo SERGAS e o Pte. da Xunta en 2010 para que a comarca contara cunha xerencia de seu con capacidade para decidir sobre recursos humanos, económicos, infraestruturas e prestación de servizos da área Sanitaria, do Hospital da Costa e os centros de saúde. O Decreto establece con claridade a existencia xerentes executivos en Burela e Monforte que estarán ao que dispoña  o novo xerente de área integrada con dirección en Lugo. A Plataforma anunciou que o próximo martes ás 11:00 no portelo único do Concello de Burela dará rexistro aos milleiros de sinaturas recollidas na iniciativa promovida por persoal do Hospital da Costa reclamando unha área de xestión integrada propia. Igualmente anunciou varias iniciativas entre elas a presenza nos plenos da comarca onde se debatan iniciativas relacionadas con este tema.

Denuncia da situación do Centro de Saúde de Serantes

Luns, 01 Abril 2013 09:45

Desde a Plataforma en Defensa da Sanidade Pública de Ferrol queremos DENUNCIAR a grave situación na que se atopa o Centro de Saúde de Serantes.

Ao peche do Consultorio da Graña, ás obras que nunca rematan na ampliación do mesmo e que producen masificación, lista de espera e empeoran a asistencia sanitaria, do que non son responsables, en caso ningún, os profesionais que desenvolven alí o seu traballo que tamén sofren esas malas condicións, se ven a sumar a ausencia por diferentes razóns de dous facultativos.

D. José Pedrouzo Bardelas que non consultou a semana pasada e no que vai desta semana e tamén D. Francisco José Cenalmor Palanca por mor dunha Incapacidade Temporal.

Desde a Xerencia da Xestión Integrada de Ferrol non se ten substituído a estes dous facultativos e se acumulan os seus cupos nos outros tres facultativos restantes o que está a ocasionar, listas de espera, sobrecarga de traballo para estes profesionais e a imposibilidade de prestar o servizo nas debidas condicións.

Tamén hai problemas coa activación das tarxetas electrónicas e se está a remitir a doentes ao Fontenla Maristany para que resolvan o problema o que lles ocasiona unha grave molestia .

Demandamos do Sr. Facio Villanueva , que ten declarado repetidas veces que non ía facer recortes en persoal e que ía  substituír sempre aos profesionais que fose necesario, a que resolva de xeito inmediato esta situación que afecta gravemente a usuarios e traballadores do Centro de Saúde de Serantes.

Queremos lembrar que desde que o Sr. Facio Villanueva é Xerente da Área de Xestión Integrada, se pecharon , sen ningunha razón asistencial que o xustifique, os consultorios de A Graña en Ferrol e do Seixo en Mugardos, que ESIXIMOS sexan reabertos de xeito inmediato.

Do que pasa no Centro de Saúde de Serantes é unicamente responsable o Sr. Facio Villanueva e en caso ningún o son os profesionais que prestan alí os seus servizos que se ven desbordados pola situación.

Feijóo e as súas amizades...

Luns, 01 Abril 2013 09:42

Ante a noticia do Diario El Pais de que o actual presidente galego mantivo nos anos noventa unha estreita amizade con persoas relacionadas co narcotráfico a SOS-Sanidade Pública quere recordar que son dabondo coñecidas as relacións e devaneos de altos dirixentes do PP (Fraga, Fernandez Albor , Rajoy, etc.) con personaxes deste ámbito, como foi recollido polos principais medios de comunicación ao longo dos últimos anos.

Con todo, o que chama a atención e resulta especialmente escandaloso é que o  Sr.Feijoo mantivese estas relacións en momentos en que desempeñaba altas responsabilidades na administración sanitaria (Secretario Xeral da Consellería de Sanidade de Galicia, Secretario General de Asistencia Sanitaria no Ministerio de Sanidad y Consumo, e Presidente do Instituto Nacional de la Salud-INSALUD) e cando o problema da droga afectaba a miles de mozos. É dabondo coñecida a admirable loita das organizacións de nais por sacar desta situación aos seus fillos naqueles dramáticos tempos.

Queremos recordar, neste mesmo senso, que ou actual goberno do PP, que chegou de novo a Xunta de Galiza non ano 2010,  ven recortando, ano tras ano, os orzamentos da rede de prevención e asistencia a drogodependentes que recolle ou Plan Galego de Trastornos Aditivos, que ascende a 2.091.469 euros sobre ou orzamento do 2012, o que está a provocar que no ano 2013 non se asine ou convenio de colaboración ente a Consellería de Presidencia, a Consellería de Sanidade e a Federación galega de Municipios e Provincias (FEGAMP) en materia de drogodependencias e trastornos aditivos.

A Consellería de Sanidade decidiu tamén suprimir todo o investimento dos Equipos de Prevención, polo que os Concellos son incapaces de seguir a prestar esta asistencia, poñendo en risco a continuidade de 43 programas prevención.

No caso dos Equipos que prestan Asistencia u recorte vai a por en risco a continuidade dos mesmos, dado que os concellos non van poder asumir un recorte orzamentario de máis do 15%, que nalgún deles suporá un recorte de máis de 40.000 euros.

Manifestación en Defensa da Sanidade Pública en Vigo o día 14

Martes, 05 Marzo 2013 12:34

Nota de Prensa Plataforma de Vigo

Mércores, 13 Marzo 2013 14:17

Nota de prensa da Plataforma en defensa da Sanidade Pública de Vigo (PDSP de Vigo).

A Plataforma en defensa da Sanidade Pública de Vigo (PDSP de Vigo), fai case dous anos (Abril 2011), interpuxo ante o Tribunal Superior de Xustiza de Galicia (TSXG) un recurso contencioso contra o SERGAS. Nel solicitabamos que se ordenase a anulación xudicial do contrato público de maior contía e duración de toda a historia da Administración galega (máis de 1.500 millóns de euros, máis de 20 anos).

Non entraremos aquí a detallar os argumentos deste recurso pois o seu número e complexidade excederían varias páxinas; deixaremos esa tarefa para mellor ocasión.
O caso é que, como a cidadanía sabe, o antedito TSXG, máximo órgano xudicial da nosa Comunidade, atopou motivados os nosos argumentos e admitiu a trámite o mencionado recurso, estando o mesmo aínda pendente de sentenza firme.

.

INFORMACIÓN Á CIDADANÍA.

Descoñecemos quen é o Letrado que por Lei ostenta a representación da Xunta de Galicia neste recurso, o que si sabemos é que está utilizando ante o Tribunal un argumento cuxa veracidade non comprobou e por iso denunciamos. O Letrado, nos seus escritos ao Xuíz, afirma que a PDSP de Vigo non presentou en 2010 alegacións ao estudo da viabilidade económico-financeira do referido contrato de “concesión” obxecto do recurso (argumento incerto), que por iso carecemos de lexitimidade e en consecuencia, o Xuíz non debe entrar no fondo da nosa demanda e directamente desestimala.

A PDSP de Vigo quere deixar clara constancia ante a cidadanía que si presentamos escrito de alegacións* contra ese estudo de viabilidade económico-financeira: o escrito contiña 16 alegacións (son as mesmas nas que se basea o noso recurso ante o TSJG), presentouse o 26 de febreiro de 2010 na Dirección Provincial do SERGAS en Vigo, ten número de Rexistro de entrada 3852, O Faro deu cumprida información da presentación do mesmo na súa edición do 27 de Febreiro de 2010 ** e a súa lectura completa é posible a través de varias páxinas web.

O que ocorre é que, como supoñiamos, a Conselleira de Sanidade, Pilar Farjas, nin acusou recibo do mesmo nin aínda nin menos o contestou. Esta actitude inxustificable nun responsable público contribuíu indubidablemente a que a PDSP de Vigo tomase a difícil por enoxosa decisión de acudir aos Tribunais.

.

PETICIÓN AO PRESIDENTE DA XUNTA PARA CONTRIBUÍR A UNHA ADECUADA ADMINISTRACIÓN DE XUSTIZA.

O que si solicitamos públicamente ao Presidente da Xunta de Galicia, que no exercicio de tan alto cargo, dea as instrucións oportunas para o seguinte:

1. Que cando un órgano xudicial requira dalgunha Consellería documentos dalgún expediente administrativo, esta remítaos todos, sen excepción.

2. Que todos os Letrados, tanto externos como internos, que legalmente ostenten a representación da Xunta ante calesqueira órganos xudiciais, na súa retórica eviten argumentos cuxa veracidade non comproben previamente. Entendemos que usar argumentos deste tipo pode xerar unha indesexable confusión nos Xuíces e xa que logo resultar moi prexudiciais para unha adecuada administración de xustiza á que todos os cidadáns debemos contribuír inexcusablemente, con maior motivo, si trátase, como no caso do referido Letrado, de actores do ámbito do público.

.

* www.ndo50.org/fadsp/pdf/alegaciones%20hospital%20vigo.doc

** www.farodevigo.es/gran-vigo/2010/02/27/defensa-da-sanidade--advierte-modelo-mixto-hospital-creara-desorganizacion/415474.html

.

Escrito remitido ao Presidente da Xunta de Galicia, a  Conselleira de Sanidade e  ao Valedor do Pobo.