Venres, 28 Novembro 2014 10:33
Ante Instrución 7/14 da Consellería de Sanidade, sobre a regulación do prazo e procedemento mediante o que os beneficiarios da Seguridade Social asignados ,a area de POVISA, poidan elixir libremente ao provisor de asistencia sanitaria especializada. queremos manifestar:
- O goberno da Xunta coa firma dun novo concerto singular con Povisa por un período de 10 anos, dun xeito obscuro e antidemocrático, cando plantexan a apertura do Novo Hospital de Vigo para o próximo ano, acaba de condenar aos usuarios do Morrazo, Val Miñor e Coia, novamente a estar encadeados a un hospital privado con menos recursos e carteira de servizos, dos que ten calquer hospital da rede pública sanitaria.
- Este goberno da Xunta, segue potenciando o centro privado Povisa en contra dos cidadáns, no soo coa decisión política de reducir o proxecto orixinal do Novo Hospital de Vigo para manter a POVISA como hospital Xeral, senón incrementando o importe da asistencia, hospital que de cotío e cara a negociación do convenio Singular utiliza os usuarios de referencia e os traballadores como moeda de chantaxe par a negociación do convenio e que por un período de 10 anos mais van a sufrir estas consecuencias.
- Unha vez máis a prepotencia do Partido Popular encabezada pola Conselleira de Sanidade, non amosa ningún respecto os cidadáns e anuncian a firma do concerto sen información aos representantes políticos, sindicais e ás agrupacións de participación dos cidadáns co fin de que Povisa reciba 75 millóns de euros ó ano dos fondos públicos o que descapitaliza a Sanidade Pública, dos que unha parte pasarán ás contas dos accionistas como beneficio empresarial.
- Cando o Sergas afirma que este concerto histórico “blinda unha asistencia de calidade en Povisa” non aclara se os 120.000 usuarios van a seguir padecendo como ata agora as listas de espera, de consultas, diagnostico e quirúrxicas, máis longas de toda Galicia (200 dias na lista quirúxica fronte a 83 dias na Comunidade Autónoma) . Si van ter o resto de servizos dos que dispoñen os usuarios dos hopitais públicos, incluído os coidados paliativos.
A Plataformas pola Defensa da Sanidade Pública de Cangas, Moña, ValMiñor e Asociación Galega para a Defensa da Sanidade Pública solicitamos:
Como defensores da Sanidade Pública, recomendamos o paso masivo a un hospital público, que incialmente será o Xeral e o Meixoeiro, antes de centralizar a asistencia no Novo Hospital de Vigo.
¿Por qué ? Porque o NHV, vai ser un hospital novo, conta con mais medios tecnolóxicos, mais persoal, tódalas especialidades, salvo as de referencias dadas a Povisa (Queimados e MaxiloFacial, C. da Man).
A SAUDE NON PODE SER UN NEGOCIO É UN DEREITO REFLECTIDO NA CONSTIUTUCIÓN